Hin nýja Vestmannaey hélt norður til Akureyrar hinn 6. ágúst sl. og munu þar starfsmenn Slippsins ganga frá millidekki skipsins. Áður höfðu starfsmenn Vélaverkstæði Þórs í Vestmannaeyjum gengið frá lestarfæribandinu um borð.

Millidekkið verður um þriðjungi stærra og að ýmsu leyti fullkomnara en var í gömlu Vestmannaey (núverandi Smáey). Þar verða meðal annars tveir stærðarflokkarar og krapakerfi frá KAPP. Þá er lögð áhersla á að vinnuaðstaða á dekkinu verði öll hin besta og líkamlegt álag á áhöfnina í lágmarki.

Gert er ráð fyrir að hin nýja Vestmannaey geti hafið veiðar um miðjan september.

— Ljósm. Þorgeir Baldursson.

Fréttin birtist upphaflega á facebook síðu Síldarvinnslunnar