KAPP afhenti Ný-Fisk fyrsta eintakið af nýrri krapavél í höfuðstöðvum Ný-Fisks í Sandgerði á dögunum. Vélin er fyrsta krapavélin með CO2 sem er fjöldaframleidd í heiminum. Öll hönnun, þróun og smíði á vélinni hefur verið hjá KAPP en þar hafa allar krapavélar hingað til verið framleiddar.

Orkusparnaður og Hámarksafköst

CO2 krapavélin býður upp á mun betri orkunotkun en fyrri vélar, án þess að skerða afköst. Vélin tryggir áfram hámarksafköst við hraðkælingu aflans, eins og notendur OptimICE® vélanna okkar hafa vanist. Þetta gerir hana að frábærum valkosti fyrir þá sem vilja nýta nýjustu tækni í kælingu með sjálfbærni og hagkvæmni í fyrirrúmi.

Íslensk hönnun og smíði

Teymið okkar hefur lagt mikla vinnu í hönnun, þróun og smíði á þessari nýju vél. Við erum sérstaklega ánægð með að geta boðið íslenskum fyrirtækjum tæknilausnir sem eru í fremstu röð á heimsvísu.

Hluti af hópi starfsmanna KAPP sem hannaði nýju OptimICE® CO2 krapavélina ásamt erlendum sérfræðingum. Frá vinstri: Heimir Halldórsson, Friðrik Ingi Óskarsson, Valþór Hermannsson, Vilberg Ingi Kristjánsson, John King, Martin Ritche, Sævar Hjalti Óskarsson, Helgi Magnússon og Hlynur Georgsson.

Við erum viss um að CO2 krapavélin mun nýtast Ný-Fiski vel og stuðla að áframhaldandi velgengni í þeirra starfsemi.

Við hlökkum til að fylgjast með framgangi þessa nýja áfanga og sjá hvernig vélin mun stuðla að betri orkunýtingu og kælingu í sjávarútvegi.

Lesa meira um CO2 í OptimICE® Krapavélum