OptimICE® er stór hluti af alheims markaðsherferð Bitzer
Bitzer var rétt í þessu að hefja markaðsherferð á heimsvísu þar sem OptimICE® krapavélin er í aðalhlutverki.
Fjallað er um eiginleika OptimICE® og hversu mikilvæg vélin er í að koma ferskum fiski í topp gæðum á borð neytanda í fjölmörgum löndum.
Bitzer er stærsti kælivélaframleiðandi í Evrópu með höfuðstöðvar í Þýskalandi.
KAPP ehf, hefur notað vélbúnað frá þessum framleiðanda í OptimICE® framleiðsluna, þar sem áhersla hefur verið lögð á skynsamlega og ábyrga orkunotkun sem stuðlar að betri nýtingu á verðmætum.
Samstarf KAPP, framleiðanda OptimICE®, við Bitzer og Vörukaup, umboðsaðila þeirra á Íslandi hefur verið einstaklega gott í gengum tíðina.
Herferðin er á þremur tungumálum, þýsku, ensku og kínversku. Hún verður á öllum helstu samfélagsmiðlum, í Compatc, fréttabréfi Bitzer, á heimasíðu Bitzer og fleiri stöðum sem yrði of langt mál að telja upp hér.
OptimICE® krapavélar
OptimICE® krapaís er fljótandi vökvi, framleiddur úr sjó um borð í skipinu, og er sprautað yfir nýveiddann fiskinn.
Vökvinn umlykur fiskinn og hraðkælir hann niður í um -0.5°C og heldur honum þannig án þess að hann frosni.
Hitastigið á fiskinum helst í kringum -0.5°C allan veiðitúrinn, í uppskipun og í flutningum um allt land og heldur fiskinum ferskum í hámarksgæðum allt til endanlegs viðskiptavinar.
