Rússneska sjávarútvegssýningin Global fishery forum (seafoodexporussia.com) var haldin 8.-10. sept. 2021 í St. Petersburg.

Á sýninguna var vel mætt og telja sýnendur að allt að 63.000 gestir hafi komið á sýninguna hvaðan að úr heiminum.

KAPP ehf var með bás á sýningunni og var mjög vel mætt á básinn til að kynna sér þær lausnir sem KAPP hefur uppá að bjóða frá veiðum til neytanda.

Pallborðsumræða KAPP um nauðsyn kælingar á hráefni

Freyr Friðriksson eigandi KAPP hélt fyrirlestur á sýningunni undir heitinu "From catch through production" þar sem að hann fór yfir þætti kæliaðferða er snúa að veiðum, meðhöndlun afla um borð, hráefniskælingar í vinnslum o.s.frv.

Vel var mætt á fyrirlesturinn og eru KAPP starfsmenn því alveg í skýjunum með þær mótttökur og undirtektir sem félagið fékk á sínum framleiðsluvörum. 

Meðfylgjandi eru nokkrar myndir frá sýningunni.

Ásamt þeim fjölda fulltrúa sjávarútvegsfyrirtækja sem heimsóttu KAPP básinn mætti rússneski sjávarútvegsráðherrann Mr. Shestakov og landbúnaðarráðherrann Mr. Patrushev (mynd A). Einnig kom Kristján Þór Júlíusson sjávarútvegs- og landbúnarðarráðherra á básinn ásamt Árna Þór Sigurðssyni sendiherra Íslands í Rússlandi (mynd B).