Fréttir

Starfsmenn KAPP hafa undanfarið verið að vinna í því að taka upp Sabroe ammóníakspressu í Huginn VE 55.

Ammóníak er mjög öflugur kælimiðill þar sem það á við, sérstaklega í uppsjávarskipum, frystiskipum og stærri landvinnslum.

Skipt var um allar legur, pakkningar, þéttingar o.fl. þannig að rekstraröryggið sé tryggt næstu árin.

Huginn VE 55 er frystiskip og fjölveiðiskip gert út af Huginn ehf í Vestmannaeyjum sem fiskar bæði í nót og flottroll. Skipið veiðir einungis uppsjávarfisk. Síld, loðnu, kolmunna og makríll er frystur um borð til manneldis.

Skipið var smíðað í Chile 2001, er 68 m langt og tekur 879 tonn. Nýlega var lestarrýmið stækkað um 600 rúmmetra og verður skipið þá betur útbúið til að sjókæla aflann og landa honum ferskum en ekki frystum.

KAPP ehf sérhæfir sig í þjónustu og viðgerðum á kælibúnaði fyrir sjávarútveginn og framleiðir m.a. Optimice krapavélarnar sem eru seldar um allan heim.

Á meðfylgjandi myndum má sjá starfsmenn KAPP athafna sig um borð.

Föstudaginn 19. júní var lagður hornsteinn að nýjum höfuðstöðvum KAPP ehf að Turnahvarfi 8 í Kópavogi.

Eins og sjá má á meðfylgjandi myndum mætti fjölmenni við athöfnina sem heppnaðist einstaklega vel. Vel var veitt í mat og drykk og stóð veislan langt fram á kvöld enda veðurguðirnir í sínu besta skapi.

Dagurinn var um margt merkilegur, hjónin Elfa og Freyr, eigendur KAPP ehf. áttu brúðkaupsafmæli, Freyr átti einnig afmæli og svo var þetta Kvennadagurinn 19. júní 2020.

Útskriftarnemar úr hinum ýmsu iðngreinum tengdum KAPP voru heiðraðir. Það er nokkuð ljóst að framtíð iðnaðar á Íslandi er björt ef marka má þessa efnilegu einstaklinga sem hafa verið á starfssamningi hjá KAPP á síðustu misserum.

Það verður mikil breyting til batnaðar þegar KAPP flytur starfsemi sína í Turnahvarfið á næsta ári enda húsnæðið sérhannað að þörfum KAPP. Það er einstaklega staðsett, við hliðina á helstu stofnæðum höfðuborgarsvæðisins.

KAPP er þessa dagana að ljúka við stækkun á frystigetu frystitogarans Tasemuit.

Skipið er í klössun í Reykjavík, skipt um spil o.fl. þar með talið að yfirfara allan kæli- og frystibúnað ásamt því að bæta við öflugum láréttum plötufrysti.

Verkið hefur gengið mjög vel og frystigetan Tasemuit hefur aukist til muna.

Kæliverkstæði KAPP sinnir allri almennri þjónustu á frysti- og kælitækjum, til sjós og lands, bæði á verkstæði okkar og hjá viðskiptavinum. Á verkstæðinu er einnig unnið að framleiðslu á OptimICE ískrapavélum og forkælum.

Taesmuit er frá Grænlandi og er í eigu Nanoq Seafood.

Birkir Fannar Steingrímsson hefur verið ráðinn verkstjóri hjá KAPP.

Hann tekur við af Árna Heiðari Gylfasyni sem lauk störfum um mánaðarmótin eftir farsælan feril innan KAPP. Við þökkum Árna fyrir samveruna og vel unnin störf í gegnum árin og óskum honum velfarnaðar í framtíðinni.

Birkir Fannar, sem er menntaður vélvirki, er öllum hlutum kunnugur hjá KAPP. Hann hóf störf árið 2013 og hefur tekið þátt í þeim mikla uppgangi sem hefur verið hér síðustu árin.  

Birkir hefur unnið í öllum deildum fyrirtækisins og er því með viðamikla þekkingu á öllum verkum sem koma til okkar. Hann er með þjónustulund á háu stigi og alltaf léttur í lund.

Ekki hika við að hafa samband við hann í síma 894 2705 ef þú ert með spurningar eða verkefni sem þú vilt að við sinnum.

KAPP var rétt í þessu að klára uppsetningu á plötufrysti hjá Motorku efh.

Frystirinn var áður svokallaður Súperfrystir sem hraðfrysti flök niður í -0,9°C á örfáum mínútum. Nú fær hann nýtt hlutverk í starfsstöð Matorku í Grindavík eftir að starfsmenn KAPP breyttu honum í öflugan lausfrysti / roðfrysti. Stýringin á frystinum er hönnuð af KAPP í samvinnu við Stuð ehf.

Matorka ehf var stofnuð árið 2010 og leggur megináherslu á landvinnslu fyrir Ameríkumarkað. Mikil áhersla er á hágæðavöru sem er umhverfisvæn og í stöðugum gæðum þegar komið er til endanlegs neytanda um heim allan.

Sjá myndir af uppsetningunni hér að neðan:

Mottumars er árlegt verkefni Krabbameinsfélagsins, sem er í senn vitundarvakning um krabbamein hjá körlum og fjáröflun fyrir félagið.

Í ár er löggð áhersla á gildi hreyfingar sem forvarnar gegn krabbameinum. Rannsóknir sýna að reglubundin hreyfing dregur úr líkum á krabbameinum auk þess sem hreyfing er til góðs fyrir fólk sem hefur greinst með krabbamein.

KAPP er styrktaraðil Mottumars 2020 og fengu m.a. allir starfsmenn par af Stuðningssokkunum. Sokkarnir eru hannaðir af snillingunum í Kormáki og Skildi.

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira