Nú fyrir stuttu hélt starfsmannafélag KAPP gleðikvöld þar sem boðið var upp á þétta og virkilega vel heppnaða dagskrá.

Mjög góð þátttaka var, nánast allir sem áttu tök á því að mæta mættu. Byrjað var á því að hittast í Hvalasafninu á Granda þar sem boðið var upp á drykki og leiðsögn um safnið. Eins og sjá má á meðfylgjandi myndum er Hvalasafnið áhrifamikið og talsverð upplifun.

Því næst var tölt yfir götuna í Fly over Iceland. Fæstir höfðu komið þangað áður en óhætt að setja að allir hafi orðið fyrir óvæntri upplifun í hæsta gæðaflokki. Öll umgjörð og framkvæmd er í Hollywood gæðum og fóru sumir beint á eftir og keyptu miða á sýninguna daginn eftir.

Kvöldin lauk svo með því að hópurinn labbaði yfir á Grandi Mathöll þar sem KAPP átti bókaðan hliðarsalninn. Allir fengu spilapenginga sem þeir nýttur í að kaupa mat og drykki að eigin vali. Einn pantaði sér sviðakjamma með frönskum og káli.

Virkilega flott kvöld hjá starfsmannafélaginu og verður spennandi að sjá hvað verður boðið uppá næst.