Starfsmannafélag KAPP hélt starfsmannagleði s.l. föstudag við mikla ánægju þátttakenda.

Að þessu sinni var haldið Pub Quiz undir öruggri stjórn Björns Braga. Að sjálfsögðu var keppning haldin á netinu þar sem hver og einn var heima hjá sér.

Allir hittust á TEAMS fyrir keppnina, smá spjall og upphitun. Keppnin sjálf var svo á Kahoot.it í símanum. Yfir þrjátíu starfsmenn tóku þátt og keppnin var jöfn og spennandi. Alls voru tuttugu og fimm spurningar þetta kvöldið.

Margir skiptust á að vera í forystu og þegar að síðustu spurningunni kom voru fimm sem áttu raunhæfa möguleika. Að lokum var að Einar Óli Ólason bifvélavirki hjá Kistufelli sem var fljótastur að svara síðustu spurningunni: Hvað heitir samloka í Færeyjum, og tryggði sér þannig sigurinn.

Einar Óli er mikill BMW áhugamaður og veit allt um þá eðalbíla. Hann lærði bifvélavirkjun í Kistufelli og hefur starfað þar síðan. Einar er mikill nákvæmnismaður sem hefur sérhæfti sig í heddum, enda er starfsaðstaða hans yfirleitt kölluð HEAD OFFICE.

Við óskum Einari til hamingju með flottan árangur enda ekki hver sem er sem getur unnið öll gáfumennin í KAPP, Kistufelli og Kælifélaginu.

Í öðru sæti var Sigmar Pálsson hjá KAPP og í þriðja sæti var Jónas Gunnarsson, einnig hjá KAPP.

Eftir keppnina var haldið áfram á TEAMS þar sem gamansögur flugu á milli við góða undirtekt.

Í tilefni kvöldsins gaf KAPP öllum starfsmönnum skemmtilega gjöf, í þessu flottu umhverfisvænu burðarpokun frá Krónunni, til að nota meðan á keppninni stóð.

Það er nokkuð ljóst að keppnin verður endurtekin og margir eru nú þegar farnir að æfa sig fyrir næstu keppni.