Við óskum Kristni Jóni Arnarsyni til hamingju með útskriftina úr Véltækniskólanum en hann var rétt í þessu að útskrifast sem vélfræðingur.

Þrátt fyrir ungan aldur hefur Kristinn mikla reynslu af alls konar vélavinnu enda er hans helsta áhugamál snjósleðamennska, bílaviðgerðir og starfið í Hjálparsveit Skáta í Kópavogi.

Kristinn, sem á ættir sínar að rekja á Rif á Snæfellsnesi, mun útskrifast með Sveinspróf á næsta ári. Hann hefur verið í starfsnámi hjá KAPP ehf og er Freyr Friðriksson hans meistari. KAPP hefur á undanförnum árum verið með nema í starfsþjálfun bæði í vélvirkjun og rennismíði. Í dag eru fimm nemar hjá KAPP.

Framtíðin er björt hjá þessum kraftmikla stúdent sem hefur með náminu í Véltækniskólanum einnig verið í rafvirkjun í Tækniskólanum og ætti að útskrifast sem rafvirki á næsta ári.