KAPP gerir samning við Loðnuvinnsluna Fáskrúðsfirði

KAPP gerir samning við Loðnuvinnsluna Fáskrúðsfirði

Nýlega skrifaði KAPP ehf undir samning  við Loðnuvinnsluna hf. Fáskrúðsfirði um hönnun og uppsetningu á frystikerfi í nýtt uppsjávarvinnsluhús fyrir LVF sem sérhæfir sig í vinnslu á uppsjávarfiski, loðnu, síld og makríl. 

Samningurinn er viðamikill og nær m.a. til sölu á tveimur frystivélum, dælukút, millikæli, eimsvala og búnaði til tengingar á nýjum Big Mama frystum ásamt uppsetningu.

Frystikerfið notar ammóníak sem er mjög öflugur og einstaklega umhverfisvænn kælimiðill. Hann er aðallega notaður í frystihúsum, uppsjávarskipum, frystiskipum og stærri landvinnslum.

Nýja vinnslukerfið, sem er hannað og smíðað hjá Skaganum 3x, mun auka afköstin um allt að 70% miðað við núverandi afköst eða 400 tonn á sólarhring.

Uppsetning byrjar í október og lýkur í desember.

KAPP ehf er með öflugt kæli- og frystiverkstæði með sérhæfingu fyrir sjávarútveg og matvælaiðnað. Starfsemin nær til allra þátta kælingar og frystingar; þarfagreining, ráðgjöf, hönnun, smíði, uppsetning, þjónusta og viðgerðir fyrir alla kælimiðla hvort sem er á verkstæði KAPP eða hjá viðskiptavini.

KAPP ehf framleiðir einnig OptimICE krapavélarnar sem hafa valdið byltingu í kælingu við fiskveiðar og vinnslu.

Á meðfylgjandi mynd sem tekin var við undirskrift samningsins í nýjum höfuðstöðvum KAPP að Turnahvarfi 8 í Kópavogi eru frá vinstri: Þorrri Magnússon, framleiðslustjóri Loðnuvinnslunnar, Heimir Halldórsson, þjónustustjóri KAPP, Freyr Friðriksson, eigandi KAPP, Friðrik Már Guðundsson, framkvæmdastjóri Loðnuvinnslunnar og Óskar Sveinn Friðriksson, framkvæmdastjóri KAPP.

Related posts

  • Rafstöð sett upp fyrir Krónuna á Fitjum

    Rafstöð sett upp fyrir Krónuna á Fitjum

  • Óson lyktareyðing fyrir veitingastaði

    Óson lyktareyðing fyrir veitingastaði

  • Mikil þróun á kæli- og frystibúnaði. Bylting í meðferð hráefnis.

    Mikil þróun á kæli- og frystibúnaði. Bylting í meðferð hráefnis.

  • Mikið úrval af hurðum hjá KAPP

    Mikið úrval af hurðum hjá KAPP

  • Samsettir frysti- og kæligámar hjá Sælkerabúðinni

    Samsettir frysti- og kæligámar hjá Sælkerabúðinni

  • Skötuveisla KAPP sló öll met

    Skötuveisla KAPP sló öll met