Óson lyktareyðing fyrir veitingastaði
KAPP hefur um langan tíma boðið upp á óson hreinsitæki fyrir veitingastaði, og reyndar alla þá sem þurfa að eyða lykt
Það verður oft mikil óánægja í nærumhverfi veitingastaða þegar matarlyktin smýgur inn í íbúðir eða fyrirtæki nálægt veitingastaðnum.
Lausnin er að tengja ósontæki við útblástursrörin sem eyðir þá lyktinni með náttúrulegum hætti, 100% umhverfisvænt.
Heilbrigðiseftirlitið hefur verið að auka kröfur á undanförnum árum og fylgjast nú reglulega með útblæstri veitingastaða. Með ósontækinu standast veitingastaðirnir kröfur um lyktareyðingu.
Hér sést dæmigert Ósontæki fyrir veitingastaði.
Viðhald og öryggi
Lítið viðhald er á tækjunum og öryggið er tryggt þannig að tækin eru bæði með stjórnmerki sem tengjast afsogsblásara og vaccum-liða sem tengis við stokk sem eiga að passa það þau eigi ekki að vera í gangi þegar ekki er sog í kerfinu.
Mikið úrval af ósonlausnum
KAPP hefur verið að þróa ósonlausnir í yfir tuttugu ár og er með fjölbreytt úrval ósontækja og getur því boðið heildarlausn fyrir nánast allar aðstæður.
Hér fyrir ofan sést dæmi um ósonkerfi, en ósontæki/kerfi geta verið mjög mismunandi eða allt frá farsímastærð, myndin hér fyrir neðan, yfir í nokkurra fermetra kerfi.
Óson eyðir allri lykt
Óson er einn sterkasti náttúrulegi oxarinn til gerileyðingar og sótthreinsunar sem til er í heiminum og getur drepið allt að 99,9% allra gerla, baktería, vírusa og annara örvera sem finnast í matvælum. Óson skilur heldur ekki eftir sig nein hættuleg aukaefni eftir að það hefur gegnt hlutverki sínu og hentar því einstaklega vel við gerla- og bakteríudráp fyrir matvælaiðnað.
Loft og vatn
Helstu flokkar óson hreinsunar eru loft og vatn.
Fyrir hreinsun á lofti er andrúmsloft hreinsað með því að blanda ósoni saman við það. Þannig má drepa bakteríur, minnka sjúkdómahættu og eyða burt ólykt. Flugur og önnur skordýr þola ekki við í óson blönduðu andrúmslofti og því er hægt að halda slíkum skaðvöldum í skefjum með ósonhreinsun. Einnig er hægt að nota óson til sótthreinsunar.
Fyrir hreinsun á vatni hefur reynst afar vel að blanda ósoni saman við skolvatn þegar hráefni er skolað áður en það fer í vinnslu eða áður en það fer í pökkun. Með því að skola hráefnið í óson blönduðu vatni fæst fallegra útlit og geymsluþolið eykst á vörunni. Óson blandaður ís sem notaður er til kælingar hægir enn frekar á allri gerlamyndum og varan helst fersk lengur og geymsluþol eykst í samanburði við hefðbundin ís.
Dæmi um notkun:
- Veitingastaðir – eyða matarlykt
- Matvæli – hreinsa matvæli og auka nýtingu og gæði
- Matvæli – eykur geymsluþol
- Lagnir – hreinsar lagnir að innan
- Fiskvinnslur – hreinsar tæki, langir, vatn og andrúmsloft
- Matvinnslur – hreinsar tæki, langir, vatn og andrúmsloft
- Matvinnslur – minnkar losun og viðheldur vökva
- Matvinnslur – oxar ekki fitu
- Matvinnslur – viðheldur eða eykur próteinmagni
- Sundlaugar – hreinsar langir og vatn
- Fráveitur – hreinsar fráveituvatn
- Mygla – drepur bakteríur í lofti
- Mjölverksmiðjur – eyðir lykt
- Hausaþurrkun – eyðir lykt
- Moltugerð – eyðir lykt
- Táfýla – eyðir táfýlu í skóm
Hér fyrir neðan eru myndir frá ósontæki og leiðslum í dæmigerðum veitingastað.
Ósontækið er tengt við útblástursröðið nálægt útblástursopinu en ekki í eldhúsi veitingastaðarinns.
Hér sést leiðslan frá Ósontækinu tengjast við útblástursrörið.
