Nýverið var lokið við að setja upp Optimice krapakerfi í Ljósafellið SU-070.

Með þessu verður bylting í kælihraða og vinnuaðstöðu við kælingu á nýveiddum fisknum. Áður var notaður flöguís sem frystur var í landi og fluttur um borð fyrir hverja veiðiferð. Þar þurfti að forfæra honum til í lestinni og handmoka flöguísnum yfir aflann. Með þessu aukast gæðin og vinnan verður mun auðveldari. 

Nú er fljótandi krapinn framleiddur um borð, unninn beint úr sjónum, og honum síðan dælt yfir fiskinn úr slöngu, einfaldara og öruggara verður það ekki. 

Kælingin er margfalt fljótari, sem er lykilatriði í gæðum. Skv. rannsóknum* þá kælist aflinn með Optimice niður fyrir -0°C á innan við 1 klst., og helst þannig allan veiðitúrinn án þess að frysta aflann, en með flöguís tekur það allt að 12-14 klst. *Kælihraðinn ræðst af kuldastigi sjávar og stærð aflans.

Ljósafellið SU-070 er 550 brúttólesta skuttogari í eigu Loðnuvinnslunnar á Fáskrúðsfirði. Skipið var smíðað í Japan 1973 og hefur fengið gott viðhald í gengum tíðina.

Tvær BP-120 krapavélar eru um borð ásamt T-4000 tonna forðatanki.

Hér er má sjá frétt á heimasíðu Loðnuvinnslunnar um krapakerfið.

Meðfylgjandi er nokkrar myndir úr fyrsta túr Ljósafellsins með nýju Optimice krapavélina sem Þorgeir Baldursson skipaljósmyndari og sjómaður tók.