KAPP ehf hefur á undaförnum árum verið með talsverð viðskipti til Rússlands og í framhaldi af því bauð sendiherra Rússa á Íslandi KAPP í heimsókn til að ræða nánari samskipti.

Mikil ánægja hefur verið í Rússlandi með OptimICE krapakerfið sem KAPP ehf hannar, framleiðir, þjónustar og selur í gegnum söluskrifstofu KAPP í Rússlandi.

Meðal viðskiptavina í Rússlandi eru mörg af stærstu og öflugustu útgerðarfélögum Rússlands og núna í haust bætist við ný verksmiðja búin OptimICE krapakerfum.

Erindi boðs KAPP ehf með sendiherra var m.a. að ræða öflugt skákmót sem haldið verður á Íslandi á næsta ári í samstarfi við skáksambönd Rússlands og Íslands en KAPP ehf mun verða einn af aðal styrktaraðilum þessa móts.

OptimICE er fljótandi krapaís sem notaður er í að kæla fisk um leið og hann er veiddur. Með því verður kælingin mun hraðari og gæðin aukst umstalsvert ásamt því að kælikeðjan rofnar aldrei, frá veiðium, í uppskipun, í flutningum milli landshluta og allt til endanlegs notanda.

Á meðfylgjandi mynd sem tekin var í heimsókninni eru frá vinstri: Viggó Einar Hilmarsson skákfrömuður og eigandi MótX, Magnús Árni Skúlason eigandi Reykjavik Economics ehf og hluti af InDefence hópnum, Freyr Friðriksson eigandi KAPP ehf, Anton Vasiliev sendiherra Rússa á Íslandi, Óskar Sveinn Friðriksson framkvæmdastjóri KAPP ehf og Ari Alexander Ergis Magnússon kvikmyndagerðarmaður.